-->

(بالفيديو و الصور) حمزة البلومي لسيف مخلوف:محامي و نائب الارهاب هو وامثالو آخر اهتماماتي و مازلنا باش نخدمو ونكشفو خوركم للتوانسة يا

(بالفيديو و الصور) حمزة البلومي لسيف مخلوف:محامي و نائب الارهاب هو وامثالو آخر اهتماماتي و مازلنا باش نخدمو ونكشفو خوركم للتوانسة يا

     



    رد الإعلامي حمزة البلومي في تدوينة على صفحته الرسمية ، اليوم السبت 10 أكتوبر 2020 ، على تدوينة النائب سيف الدين مخلوف التي إتهمه فيها بتلفيق تهم جزاف والكذب في حق مدير المدرسة القرأنية بالرقاب في برنامجه الحقائق الأربعة اثر إطلاق سراح الأخير.



    البلومي قال أنه لن يجيب من قال لقاضي التحقيق " كانك رجل أهبطلي" ومن دافع عن الإرهابي الذي فجر نفسه أمام سفارة الولايات المتحدة الأمريكية وتسبب في إستشهاد أمني " ولن اتفاجأ من إطلاق سراح أي كان مادمتم تحكمون .. انتم إلي تحكموا دخلو للحبس اللي تحبو وخرجو منو اللي تحبو ".
    هذا وقد هاجم النائب سيف الدين مخلوف الإعلامي حمزة البلومي معتبراً أن برنامجه الحقائق الأربعة لفق أكاذيب وزيف حقائق لمدرسة الرقاب القرآنية ومسؤوليها. 




    من مدة لا عاد نعلق على هبلاتو ولا على سبانو... زايد.. وباش انكمل هكا.. هو وامثالو آخر حاجة نضيع فيها وقتي.. والاسباب واضحة.. دولة اللي فيها نصير الارهابيين اللي يقول لقاضي التحقيق كانك راجل أهبطلي يولي نائب وعندو حصانة، اللي الارهابي اللي هو دافع عليه فجر روحو قدام سفارة أمريكيا واستشهد في العملية أمني. دولة اللي عشرات الصغار خرجوهم من القراية و دمغجولهم امخاخهم وزوز منهم أثبت القضاء اغتصابهم من معلميهم في معسكر الرقاب.. الدولة هذي ما عادش نتفاجئ بشيء فيها حتى لو كان تخرج الارهابيين من الحبوسات. والدولة هذي عندو الحق فيها نائب الارهاب يسبني وكي العادة يدعي أني ضد الدين والاسلام والقرآن وغيرو وحتى حد ما يكلمو. هو وامثالو آخر اهتماماتي.. خدمنا ومازلنا باش نخدمو ونكشفو خوركم للتوانسة. وبيناتنا التوانسة اما الباقي مبروك عليكم بما أنكم في السلطة نعرف اللي باش تعملو اللي تحبو : دخلو للحبس اللي تحبو وخرجو منو اللي تحبو !
    تنويه : طبعا نعرف قوة ذبابهم الالكتروني الازرق. شيخو رواحكم 😉