-->

سمير الوافي ينشر وثائق رسمية خطيرة تثبت كذب و تزوير ألفة الحامدي و يساند قرار إقالتها بقوة !

سمير الوافي ينشر وثائق رسمية خطيرة تثبت كذب و تزوير ألفة الحامدي و يساند قرار إقالتها بقوة  !


    نشر الإعلامي سمير الوافي تدوينة مطوّلة شرح فيها أسباب مساندته لقرار إعفاء رئيس مدير عام الخطوط الجوية التونسية ألفة الحامدي من مهامها ، حيث أكد الوافي أنه قد عرف مصير الحامدي منذ قيامه بخطابها الأول فوق الكرسي الذي وصفه بالرديء والشعبوي.


    وأضاف الوافي أنه قد صرح حين ذلك برأيه ولكنه تفاجئ بمجموعة من الغوغاء المنبهرين بها والمتعلقين بأوهام كفاءتها وروحها الثورية تهاجمه وتقلل من شأنه.



    نص التدوينة كاملة 



    الكل يسئل شكون ورى الفة ساطور، كيفاش طلعت، منين جات، شكون يدز فيها، وشنوه مهمتها،،، 

    كي نفركسو في ماضي الفة ساطور نلقاوها فسخت سبعه سنين من سيرة عمايلها، ماتذكرهمشي وماتجبدهمشي الا انها تقول خدمت مشاريع عملاقة في اكبر الشركات العالمية، هات ورينا اش عملت، انسى ماتتحدث هي قالت واكهو. صفحتها الرسمية عاالفايس بوك بدات 2019، قبل هذا والو، التويتر كذلك فجوة زمنية متاع سنين وماتلقى فيه شي للسبعه سنين الي قالت انها عملت فيهم البدع، وين مشاو هالسبعه سنين؟؟؟  



    نبدالكم الحكاية من 2012 ،،،تونسي مقيم في امريكا حالل مايسمى المركز التونسي الامريكي،،، الاسم سامي قادوار المهنة صاحب محل اثاث في دشرة في امريكا والشركة اسمها قرطاج للتجارة ، محل الاثاث كلو على بعضو ثلاثة خدامة هو ومرتو وخدام واحد لا غير ودخلو السنوي ربح ومصاريف 400 الف دولار،،،،، اما المركز التونسي الامركي هذا ماتلقالوش ادريسه كان بوات بوستال في الخلى والموقع الرسمي تلقاو فيه تنظيم حفلة الهادي دنيا ووليد التونسي،،، 2011 بعد المعزة المجيدة، 


    لا طاح لا دزوه نلقاوه في ضيافة باراك وميشال اوباما في البيت الابيض،،، ؟؟؟!!! تقول انتي باراك اوباما ڨالڨ ماعندو مايعمل في عز مايسمى الربيع العربي والعالم شانع قال هات نشجع صغار التجار التونيسوامريكيين؟؟؟!!

    السيد جندوه او ما جندوهش الله اعلم لكن المركز متاعو بقدرة القادر تنفخت صورتو .



    2012 المركز هذا يكرم الفة الحامدي كطالبة متميزة في جامعة تكساس وربك سبحانو سي سامي يعين الفة الحامدي مديرة علاقات عامة للمركز وبعد عامين يرقيها وتصبح السكرتير العام لهاك المركز الي ماتلقالوش ادريسه او موظفين او اي نشاط بخلاف حفلة في العام...... شنوه صار، شنيه العلاقة وحدودها مانعرفوش، الصور تحكي حاجات. 



    ومن هنا بدات الرحلة الى تونس ونلقاو سي سامي تاجر الاثاث والاخت الفة ساطور يحاضرو في مناطق مختلفة من تونس والاخت ساطور بمساعدة من السفارة الامريكية تحل بيرو كونسلتينغ في البحيرة،،ويخدمو بهاك التصيورة متاع اوباما باش يتعداو بين التوانسه ،شبيك راهو مع اوباما ومندراك ، من ضمن كليونات الاخت الفة ساطور هي مؤسسة النهوض بالصادرات CEPEX ومن الصدف كذلك عبد اللطيف حمام مدير السيباكس يكرمو هاك المركز التونسي الامريكي وبعدها يصبح مدير لفسفاط المجمع الكيميتئي وبعدها سكرتير للحكومة،،، في عهدو شركة فسفاط ڨفصة مشات ڨزاز لين وقفت مرة وحدة وهاو نستوردو في الفسفاط...



     دعوة باش هاك متاع الفساد يشوفولنا عقود الفة ساطور مع المؤسسات العمومية اش فيهم وقداش خذات من رزق البيليك... 

    الجماعة مشات الامور معاهم و مدام ساطور دبرت خديمة كمحاظرة في معهد الدفاع الوطني ،، عام ثنين بدات ريحتهم تفوح و الناس بدات تفهم انو حكايتهم بلوط في 2018 هزو شااڤاتهم و الرحيل... 

    هنا نرجعو نشوفو الاعوام الي خباتهم وقالت كانت تخدم فيهم في اكبر شركات العالم واكبر مشاريع العالم هوما الاعوام الي جات هي وعرفها يڨحفو في تونس او لاغراض اخرى تربطنا بهاك المركز الي اوباما استدعى مولاه... 

    نربطو توه فترة تواجدها في تونس بشركة اللوبينغ الامريكية الي سبق ونشرنا علاقتها بالفة ساطور وانو الفة ساطور كانت متمركزه في مقرهم الرسمي والي قالت عليهم فريق عمل هوما بكل بساطة موظفين في شركة اللوبينغ... 

    تلقاو في الصور تفصيل للي كتبناه، المركز، ساطور وعرفها، عرفها واوباما، شركة الاثاث، وجودهم في تونس،،، 

    شكون ياقف وراها، شكون معاها، الي وصلنالو سامي قادوار ومايسمى المركز التونسي الامريكي،،، شكون الي وراهم في زوز، تصرفو انا جبتلكم السبعه سنين الي مخبيتهم وانتو اربطو الخيوط،،، ملاحظة اخرى، اول ماتم تعيين الفة ساطور مديرة الخطوط التونسية زوز رجال اعمال توانسه في امريكا اتصلو باذاعات تونسية ونبهو من الفة ساطور .

    ودوسي الفة ساطور مازال تحت البحث... 

    #فهمتلا