-->

(بالفيديو و الصور) تلاسن و شتم و تبادل تهم بين والدة نذير القطار و سمير الوافي على المباشر... و تنعت والدة فخري الأندلسي بـ "أم داعشي "

(بالفيديو و الصور) تلاسن و شتم و تبادل تهم بين والدة نذير القطار و سمير الوافي على المباشر... و تنعت والدة فخري الأندلسي بـ "أم داعشي "



    كتب سمير الوافي :
    أم نذير القطاري السيدة سنية رجب تعاطفت معاها فاستدعيتها مرة أخرى...باش توصل صوتها حتى لمدة دقائق في الحلقة موش بالضرورة ساعة كاملة في برنامج فيه برشة ضيوف...جات وتعدات وتكلمت وساندتها وتعاطفت معاها...وهذا أقل واجب إنساني تجاه أم موجوعة...ومانيش عامل مزية...!!!


    لكن ما يزيش أنها خلال الحلقة قلتلها مرحبا بيك باش توصل صوتك ووجيعتك...جاوبتني منرفزة " مانيش في حاجة لتوصيل صوتي "...لكني تفهمت جرحها وما خذيتش عليها...فزادت بعد الحلقة كتبت ستاتي تحتج على الوقت الشوية اللي خصصتهولها وتهاجم فيا وفي الاعلام...وتسب في ضيفتنا الاخرى أم فاخر الاندلسي وتسمي فيها " أم داعشي " وتحتج على الوقت اللي خذاتو معاها...رغم أنها أم موجوعة كيفها وربما أكثر منها وما عندها حتى ذنب في ملف ولدها...والمفروض أي أم تحس بيها وبوجيعتها...وبكّات بلاطو كامل من صحفيين وتقنيين وحاضرين...!!!



    أنا موش باش نعلق على كلام أم نذير مراعاة لوجيعتها ومأساتها وحالتها النفسية...وكلامها علي ما يقلقنيش ونتفهمو...لكن التجريح في أم أخرى كيفها ما يجيش...حس بالناس كيما الناس حاسة بيك...انت أم وهي زادة أم كيفك موش حجرة...وربي يهدي...!!!