-->

بالفيديو / فتاة تونسية توجه نداء إستغاثة :"إذا صارتلي حاجة في الأيام القادمة فموتي ليس طبيعيا بل جريمة قتل.."

بالفيديو / فتاة تونسية توجه نداء إستغاثة :"إذا صارتلي حاجة في الأيام القادمة فموتي ليس طبيعيا بل جريمة قتل.."




    طالبة تونسية أصيلة ولاية القيروان تطلق نداء استغاثة للنشر على أوسع نطاق : 

    اذا صارتلي حاجة في الايام القادمة وكانت الموت !! فموتي ليس طبيعي بل جريمة قتل و القاتل هي الدولة التونسية و بالتحديد CNAM للمرة الثانية يتم رفض مطلبي و حتی بدون اعلامي و عدم مدي بدوائي و لا يمكن اشتراده 


    الا عن طريقهم وبالتالي قررت بش نعمل كيما عملت صديقتي الله يرحمها درصاف الحداجي . وبش نستسلم للمرض فليفعل ما يشاء لم اعد مهتمة انا اسمي صديقة السبري طالبة بالسنة اولى ماجستير المهني في خبرة في المحاسبة الرقمية بمعهد الدراسات العليا التجارية بصفاقس .

     كي تولدت وانا نعاني في خلل في الجهاز المناعي الي سببلي في مجموعة من امراض و كي وصلت العمر 10 سنين صنفوني كيما يسميو هوما " maladie de systeme " و هو متكون من مجموعة من امراض المزمنة وصلت لعمر 13 سنة قررو انهم يعملولي عملية استعجالية و قصولي الجزء الوسطاني من الرئة اليمنى بش ما تزيدش تتعفن الرية الكل 


    و هو مرض اسمو توسع قصبات الهوائية و معاه التهاب الجيوب الانفية وصلت عمر 16 سنة مرضت بمرض التهاب المفاصل الروماتويدي او الرثوي و عندكم الانترنات تنجمو تشوفو مدى خطورة المرض هذا في العالم الي ينجم يسبب اما في سكتة قلبية أو دماغية خاطر الجهاز المناعي هايج علخر على البدن 


    و قاعد ياكل فيه منذ ذلك اليوم الى السنة الي ولا فيه عمري 22 سنة دويات متكونة من الكورتيزون و الميثوتريكسات الي هو برشا يعرفوه يتسمى العلاج الكيميائي حتى حالتي النفسية تعبت و بدني ولا رافض الدواء يعني رغم استعمالي للدواء آلا انو المرض ماشي ويزيد اقمت بالمستشفيات هذا العام و قامو بحميع الفحوصات ثم طلبو دواء اخر الي هو مش موجود في تونس و صعيب تتحصل عليه خاطرو غالي لكن فما برشا ناس قاعدة تحصل عليه


    قدمت مطلب 30 افريل 2021 بالدواء هذا للكنام تم رفض المطلب لعدم اقتناعهم مع العلم انهم يرفضو المطلب و ما يعلمونيش بعد محاولات بیش عرفت قدمت مطلب اخر و النتيجة كيما الاولى و رغم انو المطلب الثاني فيه برشا دلائل ضاقت بيا الدنيا و معندي حتى دواء نعدي نهار سبعة جوان وانا عاجزة بش نتحرم من قرايتي و نتحرم من حياتي وقت حق من حقوقنا العلاج .

     الفيديو :